Першы інтэлектуальны прыпыначны пункт усталёўваюць у Мінску

Смарт-прыпынак для наземнага транспарту з'явіцца ў цэнтры сталіцы - на станцыі метро “Няміга”. Аб'ект плануюць здаць у пачатку наступнага тыдня. Ён будзе ў стыльным дызайне - металічны корпус з элементамі шкла. Гэта будзе сапраўдны інфармацыйны комплекс для пасажыраў. Тут можна будзе распланаваць маршрут перамяшчэння па горадзе, азнаёміцца з цікавымі падзеямі ў Мінску на інтэрактыўнай карце і атрымаць актуальную інфармацыю аб прыбыцці транспарту.

Праект разумнага прыпынку - пілотны. У планах на бліжэйшы час - размясціць на самых ажыўленых транспартных вузлах сталіцы больш за сотню шматфункцыянальных аб'ектаў.