Безумоўна, гэта перазагрузка сумеснай эканамічнай прасторы Беларусі і Расіі. Дарожныя карты - вынік шчыльнай працы ўрадаў на працягу трох гадоў. Скіраванасць на пашырэнне саюзніцкіх адносін - гэта пацвярджае кожны з бакоў. Мэта праграм - фарміраванне прасторы роўных магчымасцей плюс агульная ваенная дактрына і міграцыйная палітыка.
А. Лукашэнка: Мы пачынаем перазагрузку сумеснай эканамічнай прасторы
Эксперты перакананыя, саюзныя рашэнні - зусім не даніна палітычнай модзе, як спрабуюць паказаць на Захадзе. Інтэграцыя на карысць народаў дзвюх краін. Галоўнае ў саюзных праграмах - улік узаемных інтарэсаў.
Прастора роўных магчымасцей
Стварэнне роўных умоў для прадпрыемстваў, доступ да дзяржзакупак, збліжэнне падыходаў да стратэгічнага планавання і дзяржпадтрымкі прадпрымальніцтва, спрашчэнне і зняцце абмежаванняў на трансгранічныя патокі - гэта невялікая частка саюзных праграм. Эксперты падлічваюць, толькі прамы эфект ад рэалізацыі інтэграцыйнага пакета для Беларусі прагназуецца ў росце ВУП прыкладна на мільярд долараў, не лічачы дадатковых магчымасцей для нашага бізнесу. Тут і доступ да расійскага рынку, і адэкватныя цэны на сыравіну.
Саюзная эканоміка - дзве суверэнныя дзяржавы
Па кожнай праграме дэталёва прапісаны план дзеянняў і канчатковы вынік. Будучыня Саюзнай дзяржавы закладзена ў прынцыпе інтэграцыі. Па сутнасці, Беларусь і Расія фарміруюць прастору роўных магчымасцей.
