Оптавалаконная сетка аб'яднае ўсе пункты пропуску на беларуска-літоўскай мяжы

12 Верасня 2019

Камфортныя ўмовы перасячэння  беларуска-літоўскай мяжы і стварэнне надзейнага бар'ера ад міжнародных крымінальных груп - асноўныя задачы праекта БОМБЕЛ. Гэта сумесная праграма міжнароднай тэхнічнай дапамогі Еўрасаюза, Дзяржпагранкамітэта Беларусі і літоўскага боку. Будзе мадэрнізаваная тэлекамунікацыйная інфраструктура пагранслужбы. Карацей, оптавалаконная  сетка аб'яднае ўсе пункты пропуску і памежныя заставы. 

Ігар Печань, намстаршыні Дзяржаўнага памежнага камітэта Беларусі: "Мы разумеем значнасць гэтага праекта. Да яго ішлі досыць працяглы час. Інфраструктура дзяржмяжы на латвійскім, літоўскім, польскім кірунку выбудоўваецца як адзіная інфраструктура. На ўзбраенне прымаем самыя сучасныя сродкі сувязі, тэхнічныя сродкі".

Бюджэт праекта - звыш 3,5 мільёнаў еўра. Агульная працягласць валаконна-аптычных ліній сувязі складзе амаль 400 кіламетраў. Усе працы завершаць за 2 гады.