Каваль, мастак па метале, ландшафтны дызайнер. Аксана Кірылюк - з Маладзечна, хаця па адукацыі эканаміст у сферы міжнародных адносін - чалавек творчы і шматгранны.
Кавальствам Аксана займаецца амаль 15 гадоў. Мужчынскую прафесію абрала для сябе сама. У кузні толькі адзін давераны памочнік - яе мама.
Яна з лёгкасцю утаймоўвае прыродныя стыхіі агню, ветру, гукаў і пахаў. З жывёламі размаўляе на адной мове, а з іржавых жалязяк выкоўвае творы мастацтва.
З жанчынай, якая мае некалькі прафесій і ўдала спалучае іх паміж сабой, сустрэлася Ларыса Гулякевіч. Падрабязнасці ў відэа.
