Каля трохсот фатаграфій абаронцаў Брэсцкай крэпасці ўвекавечаць у Музеі Перамогі ў Маскве

У мультымедыйную экспазіцыю "Асобы Перамогі"  перададзены гісторыі і кадры жыцця не толькі абаронцаў цытадэлі, але і тых, хто быў побач  - падносіў снарады і патроны, перавязваў параненых, рабіў начныя вылазкі па ваду. Кожны з іх  унёс свой уклад у вялікую Перамогу. Мэта праекта - сабраць і захаваць гісторыі і інфармацыю пра людзей, якія прайшлі вайну, і паказаць іх наступнаму пакаленню. Зараз у дэпазітары захоўваюцца дзясяткі тысяч фатаграфій з усіх былых савецкіх рэспублік.