Паспрабаваць сябе ў ролі ратавальніка і прайсці вогненную паласу перашкод змаглі студэнты з каледжаў Мінскай вобласці. Пяць каманд пераадольвалі дыстанцыю 120 метраў з гарачымі брусамі, лабірынтамі, лесвіцамі і тунэлямі.
Кожны ўдзельнік прабег паласу бяспекі ў баявым касцюме супрацоўніка МНС. Для юнакоў і дзяўчат былі аднолькавыя ўмовы. Разам з усімі пераадольваў перашкоды і Ілья Цвяткоў.
Зборы па камандзе на хуткасць, як і праходжанне паласы перашкод, з першага погляду можна падумаць, што тут трэніруюцца прафесійныя ратавальнікі. Але на самай справе форму вогненных байцоў прымералі студэнты каледжаў Мінскай вобласці.
Даўжыня дыстанцыі - 120 метраў. Кожны элемент - лесвіцы, лабірынты, броўны - у агні. Пераадольвалі бар'еры на роўных. Для юнакоў і дзяўчат умовы аднолькавыя.
Праз агонь, ваду і жалезабетонныя трубы… Зараз паспрабуем прайсці паласу перашкод для ратавальнікаў-пачаткоўцаў. На ўсё пра ўсё – не больш за 2 хвіліны. Паехалі...
Бегчы ў некалькі разоў больш складана з-за вагі баявой вогнеўстойлівай амуніцыі – каля 5 кілаграмаў лішняй масы. Пры гэтым у рэальных умовах ратавальнікі нясуць на сабе яшчэ і кіслародныя балоны, а таксама спецабсталяванне – нагрузка больш за 20 кілаграмаў.
Канешне, назіраць збоку было намнога прасцей. Але гэта сапраўды весела.
Да конкурсу рыхтаваліся некалькі тыдняў. Пры гэтым набіралі не толькі фізічную форму, але і адточвалі тэорыю. Яе прыйшлося прымяніць падчас выканання тэстаў па бяспецы - гэта другі этап спаборніцтваў.
Заключнае выпрабаванне для каманд - медпадрыхтоўка. Умоўным пацярпелым аказалі хуткую дапамогу, пры гэтым атрымалі пэўную колькасць балаў за камандную і індывідуальную працу. Паводле ацэнак журы, лепшымі сталі студэнты з Салігорска. Менавіта яны адправяцца на фінальны рэспубліканскі этап вогненнай эстафеты, які пройдзе праз месяц.