Прысягу на вернасць абранай справе - выратавання людзей - прынеслі навабранцы падраздзяленняў Мінскага абласнога ўпраўлення МНС. Сярод іх дыспетчары, вадзіцелі машын, байцы, гатовыя супрацьстаяць вогненнай стыхіі, аказаць аператыўную дапамогу пацярпелым на вадзе, у ДТЗ і ліквідаваць любую надзвычайную сітуацыю.
Кожны баец атрымаў наказ. Для некаторых ратавальнікаў служба ў МНС - гэта не проста праца, а сямейная справа і традыцыя.
Прысягу маладыя байцы прынеслі ў Музеі гісторыі Вялікай Айчыннай вайны напярэдадні Дня ратавальніка. Новыя супрацоўнікі паспрыяюць павышэнню эфектыўнасці работы падраздзяленняў цэнтральнага рэгіёна.
Дарэчы, за мінулы год ратавальнікі Мінскай вобласці ліквідавалі больш за 1300 пажараў, выратавалі 218 чалавек.
