Сістэма гарантавання нацыянальнай бяспекі Беларусі гатова адказаць на любыя рызыкі, выклікі і пагрозы. Пра гэта заявіў першы намеснік дзяржаўнага сакратара Савета бяспекі Павел Муравейка на нарадзе з ідэалагічным актывам Мінска.
Напружанае становішча ў свеце і непасрэдна ля беларускіх меж прымушае трымаць руку на пульсе. Сёння паблізу нашых меж канцэнтруюцца ваенныя групоўкі, якія могуць уяўляць пагрозу.
Для гарантавання бяспекі Беларусь робіць ўсё неабходнае. Нашы дэсантнікі прыкрываюць паўднёвую мяжу і гатовыя адрэагаваць на любыя дзеянні і правакацыі. Узмоцнена забяспечваецца і супрацьпаветраная абарона нашых меж. Павел Муравейка таксама адзначыў, што сёння на Беларусь аказваецца масіраванае дэструктыўнае інфармацыйнае ўздзеянне, расце маштаб кіберпагроз.
Сёння ўзмоцнена зандзіруецца глеба для пошуку болевых пунктаў і трыгераў у грамадстве для арганізацыі правакацый, здольных раскалыхаць сітуацыю ў краіне. За мяжой пільна вывучаюць розныя сацыяльныя групы. Імкнуцца пасеяць паніку ў працоўных калектывах, ачарніць органы ўлады і сілавікоў. Таму вельмі важна не паддавацца эмоцыям, а ўмець ацэньваць падзеі, якія адбываюцца вакол.
