Ці можа Maserati згарэць дашчэнту пасля сутыкнення з веласіпедам

Следчы камітэт узбудзіў крымінальную справу ў дачыненні да ўладальніка італьянскага аўтамабіля. Мужчыну падазраюць у замаху на махлярства. Нагадаем, сёлета ў студзені ён звярнуўся ў ДАІ з заявай аб ДТЗ. Па словах вадзіцеля, яго машына сутыкнулася з веласіпедам. Каб пазбегнуць аварыі, мужчына вывернуў руль, яго Maserati з'ехаў у кювет, але па дарозе ўсё ж зачапіў ці то веласіпед, ці то пешахода. Машына загарэлася, а вадзіцель пабег на дапамогу пацярпеламу, але таго і след прастыў. Самае дзіўнае, што аўто было застрахаванае па праграме "Поўнае каска" на 65 тысяч долараў, а дзень аварыі якраз быў апошнім днём страхоўкі. Пасля шэрагу экспертыз у словах уладальніка Maserati засумняваліся. Дарэчы, веласіпедыста так і не знайшлі. Следства разбіраецца, ці было гэта аферай.