Меркаванні экспертаў аб эканамічных, палітычных і сацыяльных адносінах Беларусі і Расіі

Сёння кааперацыяй звязана больш за 8 тысяч прадпрыемстваў Беларусі і Расіі. А тавараабарот за гады незалежнасці павялічыўся амаль у 6 разоў. Прыкладна гэтак жа вырас беларускі экспарт у Расію. 

Нашы эканомікі, сапраўды, сталі бліжэй. Поспехі ёсць у пытаннях адукацыі, медыцыны, працаўладкавання. Краіны працягнуць умацоўваць адносіны па ўсіх кірунках. Дзе атрымалі поспех, а дзе варта прыкласці больш сіл і цярпення, - Вераніка Бута сабрала меркаванні экспертаў у нашай рубрыцы "Кантэкст". 

За плячамі беларуска-расійскай інтэграцыі ўжо 25 гадоў. Працэс умацавання двухбаковых сувязяў пачаўся неўзабаве пасля распаду Савецкага Саюза. Так, за гэты час нервы патрапалі адзін аднаму добра. Усе памятаюць, і ледзь што - адразу ў аргумент прыводзяць газавыя, малочныя, цукровыя канфлікты. Спрэчныя моманты перыядычна здараюцца і зараз. Але, гэта як у сям'і: чым бліжэй адзін аднаму прыходзяцца людзі, тым больш жорсткія размовы на кухні. Правільна гэта або не, - псіхолагі скажуць адно, палітолагі - другое. Галоўнае, што праблемы атрымоўвалася вырашаць. У свеце не існуе платформы падобнай на  Саюзную дзяржаву, перакананыя эксперты. І, нягледзячы на актыўныя спробы раскалыхаць нашы краіны, афіцыйным Мінску і Маскве атрымоўваецца захоўваць механізмы ўзаемавыгаднага партнёрства і інтэграцыі. 

Паглыбленая інтэграцыя, над якой зараз працуюць урады абедзвюх краін, пры ўмове роўных правоў і магчымасцяў - гэта крок для стабільнага развіцця, у прыватнасці, Беларусі і Расіі, ды і ў цэлым без перабольшання - Еўразійскага рэгіёна. Адно з пытанняў - адключэнне працэсу нетарыфных абмежаванняў. Па меркаванні экспертаў, сумесны гандаль тады мог бы зайграць іншымі фарбамі. Дарэчы, што датычыцца тарыфных перашкод - іх ужо засталося зусім мала. Новыя сумесныя праекты Расіі і Беларусі дапамогуць краінам хутчэй выйсці з крызісу, выкліканага пандэміяй. 

У кантэксце палітычнага крызісу ў абедзвюх дзяржавах, плюс COVID, які пагоршыў распачаты чарговы сусветны крызіс.  Агульны кошык нашага партнёрства не такі ўжо і дрэнны. Вынік мінулага года - 28,5 млрд долараў: на 15 % менш. У першую чаргу змены з-за цэн на нафту і газ. Бо ў аснове экспартнага кошыка Расіі - энерганосьбіты. Нафты ў Беларусь паставіў наш сусед на 3 млрд долараў, прыроднага газу - на 2,2 млрд. Гэта лічбы Расійскага экспартнага цэнтра. Пастаўкі ж нашых прадуктаў харчавання, насупраць, выраслі. На ўра ішлі сыры і тварог, сметанковае масла, ялавічына і канцэнтраванае малако. Дадалі салідна валютнай выручкі нашы грузавыя аўтамабілі і трактары. 

І яшчэ крыху, на першы погляд, сухой статыстыкі. Расія на першым месцы па назапашаных інвестыцыях у беларускую эканоміку. Толькі ў мінулым годзе яны перавысілі 4 млрд долараў. У нас працуе каля 2,5 тысяч кампаній з расійскім капіталам. Беларусь мінімум напалову ў гандлёвым абароце завязана на суседа. Наша краіна трывала стаіць на першым месцы сярод эканамічных партнёраў Расіі ва ўсім СНД. 

Так, шчыра шануем братэрскія адносіны - не раз заяўлялася на афіцыйных узроўнях. Тут і агульная гісторыя, мова, культура.  Але тут яшчэ і агульны эканамічны  інтарэс! Зыходзячы з гэтых, на першы погляд, сумных лічбаў  і Беларусь, і Расія  зацікаўленыя вывесці сумесную працу на новы ўзровень, напоўніць больш якасным утрыманнем інтэграцыйнае ўзаемадзеянне. У найбліжэйшы час адбудуцца кансультацыі па лініі падатковых ведамстваў і паміж кіраўнікамі ўрадаў. А на наступным тыдні саюзныя парламентарыі абмяркуюць новыя праекты ў сацыяльнай сферы. 

А чаго толькі варты найбуйнейшы сумесны праект Беларускай АЭС. Плюс космас, высокія тэхналогіі, вытворчасць вакцыны ад каранавіруса - гэта яшчэ адзін вектар супрацоўніцтва - таксама з перспектывай на гады. 

З Сочы адкрываюцца не толькі выдатныя перспектывы на горныя хрыбты Каўказа, але і новыя перспектывы ва ўзаемаадносінах нашых краін. І тут вельмі важна нічога не вырваць з кантэксту.