МКАД. Не першы дзень тут складаная дарожная сітуацыя

16 Студзеня 2019

Сапраўды ў экстрэмальных умовах зараз знаходзяцца і беларускія аўтамабілісты, на маршруце якіх значацца развязкі МКАД і вуліцы Скарыны і з'езд на філіял БДУ. Не першы дзень   у гадзіны пік тут, мякка кажучы,   складаная дарожная сітуацыя. На 3-м і 25-м кіламетрах Мінскай кальцавой   ідзе рамонт пуцеправодаў. Кожны дзень там кіламетровыя заторы. Звыклы шлях дахаты і на працу   павялічыўся па часе ў разы. Адказныя за рэканструкцыю мастоў службы ўпэўненыя,   цяжкасці з рухам часовыя. Дакладней будзе ўсё ж сказаць, што з часам вадзіцелі здолеюць знайсці аб'язныя маршруты.

 

Расказвае Ян Пашкевіч.

Гэта самае ажыўленае месца ў сталіцы - МКАД - асабліва ў гадзіну пік.

Такі "сімулятар маскоўскіх дарог" сталічныя аўтамабілісты могуць выпрабаваць, пачынаючы з мінулага тыдня, -   тады на рэканструкцыю закрылі адразу два масты па ўнутраным кальцы. Пры гэтым аўтамабільная чарга пачынае збірацца нават задоўга да гадзіны пік.

Так усяго ў 8 секунд змясцілася амаль 6 хвілін рэальнай здымкі над кальцом у раёне з'езду на вуліцу Скарыны - тут аўтамабільная рака ўпіраецца ў плаціну з будаўнічых барыкад.

Каманда будаўнікоў ужо паспела разабраць старое пакрыццё часткі моста. Пры гэтым рабочым трэба прывесці ў добрую форму і месца пераезду цераз раздзяляльную паласу. Каб аб'ехаць рамонтны ўчастак, машынам прыходзілася літаральна скакаць па ямах.

Зараз аўтапаток раздзяляюць па прынцыпе два да аднаго - дзве паласы ў адным кірунку і адна ў сустрэчным.

Дарога ж дахаты для шматлікіх аўтамабілістаў часам расцягваецца і на некалькі гадзін. Прагулачны рытм аўтапатоку як раз спрыяў гутарцы з вадзіцелямі.

Скончыць аднаўленчыя працы на ўнутраным кальцы плануюць у маі - да пачатку ІІ Еўрапейскіх гульняў масты будуць цалкам даступныя для руху.

Знешняе жа кальцо пачнуць рэстаўрыраваць ужо пасля вялікага спартыўнага форуму - скончаць да канца года. Тэрміны падаюцца досыць доўгімі - пуцеправод на Ігуменскім тракце аднавілі ўсяго за тры з паловай месяцы - аднак рэстаўрацыя мастоў на 3-м і 25-м кіламетрах апынулася больш складанай працай.

Спецыялісты ўпэўненыя, што хутка на кальцавой можна будзе ўздыхнуць вальней, бо большасць вадзіцеляў зможа знайсці для сябе зручныя аб'язныя маршруты.

 






Папулярныя

Рэкамендуемыя

Зараз чытаюць

Рэкамендуемыя