Міністэрства аховы здароўя змяняе падыходы да прасоўвання замежнай медыцынскай прадукцыі. Зараз замежныя кампаніі і іх прадстаўніцтвы могуць удзельнічаць толькі ў тых канферэнцыях, якія праходзяць пад эгідай Міністэрства аховы здароўя. Усе астатнія адукацыйныя мерапрыемствы забароненыя.
Сучасныя тэхналогіі дазваляюць праводзіць лекцыі ў анлайн-рэжыме, а асабістыя кантакты будуць зведзены да нуля з мэтай прафілактыкі карупцыйных парушэнняў, падкрэслілі ў ведамстве.
Таксама перагледзяць цэлы шэраг нарматыўных дакументаў, што датычацца дзейнасці замежных фармкампаній у Беларусі.
