Мінск прымае міжнародную канферэнцыю "Гімназічная мадэль ААН"

21 Красавіка 2018

Маладыя дыпламаты з навучальных устаноў Беларусі, Расіі, Казахстана і краін Еўропы гэтымі днямі дыскутуюць у Мінску. Беларуская сталіца сёмы раз стала пляцоўкай для правядзення міжнароднай канферэнцыі "Гімназічная мадэль ААН". 300 гімназістаў і студэнтаў абмяркоўваюць мэты ўстойлівага развіцця - выкарыстанне альтэрнатыўных крыніц энергіі, захаванне экасістэмы, пытанні аховы здароўя і адукацыі. Мадэль ААН - гэта сінтэз навуковай канферэнцыі і гульні, падчас якой кожная каманда незалежна ад нацыянальнасці прадстаўляе іншую краіну і выступае за яе інтарэсы перад аўдыторыяй. Напрыклад, школьнікі з Казахстана прадстаўляюць ЗША, гімназісты са Слуцка - Аргенціну, а старшакласнікі з Брэста - Ізраіль. Асноўная рабочая мова - англійская.

Гімназісты і студэнты працуюць у васьмі камітэтах: па міжнароднай бяспецы, эканоміцы, правах чалавека, клімаце і іншых. А куратарамі канферэнцыі сталі сапраўдныя дыпламаты, піяр-менеджары, у тым ліку работнікі прадстаўніцтва ПРААН у Беларусі.

Першую ў гісторыі “Мадэль ААН” правялі студэнты-аматары ў англійскім Гарвардзе ў 1953 годзе. Сёння такія мадэлі распаўсюджаны па ўсім свеце: ад Вялікабрытаніі і Францыі да Кітая і Егіпта. Асноўныя форумы ў Еўропе праходзяць у Гаазе і Маскве.