Міністр ЖКГ пра тое, якія яшчэ шляхі пазбаўлення ад смецця шукае ведамства і як атрымліваць даходы ад адходаў

Разгледзім падрабязна ініцыятыву, якая дапаможа ператварыць адходы (бутэлькі, шкло, пластык, бляшанкі) у даходы. У вяртанні тары на перапрацоўку хочуць зацікавіць не толькі пакупніка, але і вытворцу. Дакумент працягвае трэнд стратэгічных рашэнняў па так званым зялёным кешбэку. Механізм дазволіць зменшыць смеццевыя палігоны і верне ў перапрацоўку да 90 % усёй тары, выпушчанай на рынак. Размова пра дэпазітна-закладную сістэму, ва ўкараненні якой, як паказала сацдаследаванне, зацікаўленыя амаль тры чвэрці беларусаў. Такая сістэма ўжо ёсць у дзесяці краінах Еўропы і ахоплівае каля 140 мільёнаў чалавек.

Распрацоўшчыкі беларускай канцэпцыі сцвярджаюць: сістэма дазволіць стварыць больш за паўтары тысячы рабочых месцаў. Пры гэтым насельніцтва будзе плаціць за паслугі па абыходжанні з адходамі менш на 10 %. Цана закладной тары ўвойдзе ў тавар, яе можна будзе вярнуць гэтак жа, у магазіне. У Германіі сёння заклад 25 еўрацэнтаў, у суседняй Літве - 10. Наша, як чакаецца, таксама не ўдарыць па кішэні, але стане стымулам. Якія яшчэ шляхі пазбаўлення ад смецця шукае беларуская ЖКГ, як плануе атрымліваць даходы з адходаў? На гэтыя і іншыя пытанні  ў інтэрв'ю "Галоўнаму эфіру" адказаў кіраўнік ведамства Аляксандр Церахаў. 

Расказвае Алеся Высоцкая (відэа).