Мемарандум аб супрацоўніцтве падпісалі грамадскія арганізацыі Беларусі

Сёння, у Дзень памяці ахвяр Хатыні, мемарандум аб супрацоўніцтве падпісалі 10 грамадскіх арганізацый краіны. Сярод іх - Беларускі рэспубліканскі саюз моладзі, "Белая Русь", "Патрыёты Беларусі", "Федэрацыя прафсаюзаў", "Беларускі саюз жанчын". Галоўная мэта - папулярызацыя традыцый і гістарычнай памяці, а таксама фарміраванне паважлівага стаўлення да дзяржсімвалаў Беларусі. Месца падпісання пагаднення выбрана таксама невыпадкова. Крыпта храма-помніка як сімвал нацыянальнай святыні захоўвае капсулы з зямлёй, сабранай у месцах воінскай славы Беларусі і іншых краін.