У раёне вуліцы Аэрадромнай узводзяць Паўднёвую магістраль. Дабудоўваецца і першае транспартнае кальцо. У перспектыве яны павінны дапамагчы аптымізаваць рух патокаў на ўезд і выезд з Мінска. Аляксей Кандраценка ведае, на якім этапе дарожныя работы.
Яшчэ адзін буйны і стратэгічна важны аб'ект на дарожнай карце сталіцы – Паўднёвая магістраль. Яна стане працягам вуліцы Валадзько, а па сутнасці дублёрам Кіжаватава і пройдзе побач с комплексам «Мінск-Мір».
Новую вуліцу толькі пачалІ будаваць. Тут задзейнічаны 150 рабочых і інжынераў і столькі ж адзінак спецтэхнікі. Побач чыгунка, сам ўчастак няпросты - зямля забалочаная, акрамя таго магістраль перасякае раку Лошыцу. Усё гэта ўлічваецца пры будаўніцтве. Таму да бульдозераў, экскаватараў і грузавікоў ў лістападзе далучыцца і комплекс «мікратунэль».
Сяргей Селюжыцкі, начальнік БУ-72 ААТ «Трэст № 15 спецбуд»:
"З боку Чэрвенскага рынку пачалося будаўніцтва стартавага катлавана для мікратунэля. Ён пройдзе падземным метадам праз чыгунку для будаўніцтва калектара ліўневай каналізацыі. Таксама будзе пабудаваная водапрапускная труба, якая возьме ў сябе раку Лошыца".
У праекце таксама і транспартная развязка на скрыжаванні вуліцы Аэрадромнай з Паўднёвай магістраллю. Сама ж новая вуліца працягнецца амаль на два з паловай кіламетры. У раёне комплексу «Мінск-Мір» будзе па 6 палос, далей - 4. Адна з галоўных задач гэтага дарожнага ўчастка сталіцы - зрабіць зручнай інфраструктуру адначасова з узвядзеннем новага мікрараёна.
Такім чынам Паўднёвая магістраль накіруецца ў бок скрыжавання вуліц Сярова і Асаналіева. Дарогу здадуць у эксплуатацыю ўжо праз год. У перспектыве ж яна састыкуецца з мінскай кальцавой.
У выніку рух транспарту на ўезд і выезд на поўдні мегаполіса будзе значна аптымізаваны.
