Увесь праваслаўны свет рыхтуецца адзначыць вялікае свята Богаяўлення. Сёння Куцця перад Вадохрышчам: вернікі выконваюць строгі аднадзённы пост, у храмах праходзяць боскія літургіі, якія завяршаюцца вялікім асвячэннем вады.
Узятая напярэдадні Вадохрышча, як і на само свята, вадкасць валодае асаблівымі гаючымі ўласцівасцямі. А таму адна з галоўных традыцый - акунанне.
Акунуцца ў палонку мінчане могуць прама ў цэнтры сталіцы. Упершыню такую магчымасць дае галоўная спартыўная арэна краіны - алімпійскі стадыён "Дынама". Тут усталяваная вялікая купель з перасовачнай лазняй, дзе можна будзе пагрэцца адразу пасля апускання ў ледзяную ваду.
Купелі спецыяльна абсталююць пры храмах, а таксама на вадаёмах па ўсёй Беларусі. Толькі ў Мінску такіх адкрытых тры: на выратавальных станцыях "Цнянская", "Дразды" і "Камсамольскае возера". Каля кожнай будуць дзяжурыць ратавальнікі, вадалазы Асвода і медыкі. Нагадаем, урачы не рэкамендуюць акунацца тым, у каго ёсць хранічныя захворванні нервовай і сардэчна-сасудзістай сістэм, а таксама цяжарным і дзецям да шасці гадоў.
