Стратэгічнае партнёрства ў сферы IT-тэхналогій, інавацыйных і навукаёмістых праектах малога і сярэдняга бізнесу. Віцебскі тэхнапарк падпісаў мемарандум аб супрацоўніцтве з кітайскай кампаніяй - партнёрам з Паднябеснай будуць выдзелены неабходныя плошчы, а таксама будзе дадзены пакет падатковых ільгот і прэферэнцый. Да 1 сакавіка кітайская кампанія падасць поўны пакет дакументаў для рэгістрацыі.
Лей Ма, генеральны дырэктар Beijing Zhongbai Business Management Co.Ltd:
Дамовіліся развіваць супрацоўніцтва менавіта ў IT-індустрыі. Гэта будзе лічбавая эканоміка. І далей канкрэтныя праекты. Я думаю, гэта будзе першы такі праект IT-індустрыі паміж двума бакамі.
Міхаіл Кейзераў, дырэктар тэхнапарка "Закон і парадак":
Гэта крок у адказ Віцебскай вобласці на стварэнне ў Шанхаі беларускай зоны развіцця. Яны там для нас ствараюць поўныя ўмовы: запрашаюць не менш чым 50 прадпрыемстваў, выдзяляюць плошчы, будынкі, аказваюць маркетынгавую дапамогу для рэалізацыі нашай прадукцыі на тэрыторыі Кітая. Гэта вялікі крок.
За гэты час госці з Паднябеснай пазнаёмяцца з эканамічным, навукова-адукацыйным і культурным патэнцыялам паўночнага рэгіёна Беларусі, правядуць перамовы аб пастаўках прадукцыі віцебскіх прадпрыемстваў у КНР.
