Спіс аб’ектаў ужо складзены і размешчаны на сайтах адміністрацый раёнаў. Пасля такой мадэрнізацыі ў эксплуатацыю плануюць ўвесці 695 тысяч квадратных метраў жылля. Пэўныя работы, дарэчы, пачаліся ўжо на 89-ці аб’ектах.
Наталля Кузьміцкая прадоўжыць тэму.
Новыя вокны, дах і фасад. Па ўсіх прыкметах відаць: у доме нумар 20 корпус 1 па вуліцы Асаналіева нядаўна праведзены капітальны рамонт. Па бытоўках побач зразумела, што зараз будаўнікі працуюць у суседніх дамах.
У Кастрычніцкім раёне сёлета плануюць аднавіць 7 шматпавярховак. Усяго ж у Мінску ў спісе на капітальны рамонт сёлета 289 дамоў.
Згодна з праграмай, падчас капітальнага рамонту ў шматпавярхоўках мяняюць інжынерныя сеткі, дах, аднаўляюць фасады, балконы, а пры неабходнасці праводзяць і цеплавую мадэрнізацыю. Рамонт пад’ездаў і ўваходаў ажыццяўляецца за кошт жыхароў.
Па выніках восеньскіх аглядаў сфарміраваны спіс пад’ездаў, якім патрэбны рамонт. У 2016 годзе ў планах камунальшчыкаў аднавіць больш за 3,5 тысячы месцаў агульнага карыстання ў шматкватэрных дамах.
Найбольшую колькасць пад'ездаў сёлета адрамантуюць у Першамайскім і Заводскім раёнах горада. Між тым камунальныя службы гатовыя выконваць як планавыя работы, так і рамонт пад’ездаў па ініцыятыве жыхароў.
Канчатковы кошт рамонту разлічваецца пасля абследавання пад’езда і складання дэфектнага акта. Па жаданні жыхароў можна замяніць паштовыя скрыні, аднавіць, дзе неабходна, падлогу альбо абмежавацца касметычным рамонтам - афарбоўкай сцен і столі.
