У сталіцы на ўсю моц ідзе святочнае афармленне. Для ёлак нарыхтавана амаль 3 кіламетры гірляндаў. Каля Нацыянальнай бібліятэкі загадзя ўсталявалі каркас навагодняй прыгажуні, затым яе дапоўнілі зоркай-верхавінай і светлавым дэкорам. У святочным афармленні 18-метровай ёлкі 112 гірлянд, якія будуць ззяць белымі агнямі. Пасля з'явяцца цацкі: гіганцкія ільдзінкі ручной працы.
Да святаў сталіцу ўпрыгожаць 27 навагодніх ёлак. Таксама ў горадзе з'явяцца светлавыя аркі і кампазіцыі. Ля Палаца спорту жыхароў і гасцей Мінска парадуюць тры навінкі: "Кубак", "Фантан" і 5-метровы "Амфітэатр".