25 мая 1944 года на 3 Беларускі фронт быў накіраваны полк "Нармандыя-Нёман". Авіяэскадрыллі складаліся з французскіх лётчыкаў-добраахвотнікаў, якія працавалі ў шчыльным звязку з савецкімі механікамі.
Разам яны здзейснілі больш як 5 тыс. баявых вылетаў, правялі амаль 900 паветраных баёў. Пра іх складалі легенды, а фашысты, зразумела, іх баяліся. Французскія лётчыкі былі ўзнагароджаны ордэнамі і медалямі СССР, а чацвёра з іх удастоіліся звання Героя Савецкага Саюза.
Як французы "ляцелі" з-пад дыктатуры Вішы? Чаму дэ Голь лічыў справай гонару змагацца супраць фашызму плячо ў плячо з Савецкім Саюзам? І якія тэндэнцыі ў адносінах "франтавых сяброў" сёння? Гістарычны рэпартаж з актуальным парадкам падрыхтавала Ніна Мажэйка.
