Да 80-й гадавіны вызвалення Беларусі прапанавалі друкаваны зборнік асноўных падзей з 1941 па 1944 гады. Прэзентацыя кнігі "За цябе, Беларусь!" - сумесны праект выдавецтва "Мастацкая літаратура" і Музея гісторыі Вялікай Айчыннай вайны. На старонках узноўлены падзеі ад вераломнага нападу гітлераўскай Германіі на СССР да поўнага вызвалення краіны.
Віктар Шніп, намеснік дырэктара выдавецтва "Мастацкая літаратура", галоўны рэдактар часопіса "Полымя":
Гэта ўпершыню, такой кніжкі не было раней. Там змешчаны дзённікавыя запісы. Дарэчы, пісьменнікаў падчас Вялікай Айчыннай вайны на франтах было больш чым 250 чалавек, многія не вярнуліся, але засталіся іх творы. Добрыя вершы пра партызанаў, бо многія пісьменнікі былі ў партызанскіх атрадах. Вось Янка Купала напісаў: "Партызаны-партызаны, беларускія сыны". Многія творы, напісаныя падчас вайны, сталі класікай беларускай літаратуры.
З выданнем можна будзе азнаёміцца ў чытальнай зале па папярэднім заказе.
