Канфіскацыя звышпрыбыткаў і стымуляванне малога бізнесу для ўдасканалення. Сенатары на пасяджэнні сесіі Савета Рэспублікі сёмага склікання адобрылі законапраект па пытаннях падаткаабкладання.
Так, мяняецца стаўка падаходнага падатку з 13 да 25 % для грамадзян, у якіх прыбытак будзе складаць больш за 200 тыс. рублёў за год. Павялічваецца падатак на прыбытак і для арганізацый, якія атрымліваюць звыш 25 млн рублёў за год. Таксама ўводзіцца падатак на люксавыя аўтамабілі, якім менш за тры гады коштам больш чым 100 тыс. долараў. Калі раней уладальнікі транспарта плацілі 200 рублёў за год, то зараз памер падатку складзе 2 тысячы.
Змяненні закрануць індывідуальных прадпрымальнікаў. Падаходны падатак будзе ўстаноўлены ў памеры 30 % на гадавы прыбытак звыш 500 тыс. беларускіх рублёў. Размова ідзе пра такія віды дзейнасці, як аптовы, рознічны гандаль і грузаперавозкі. Акрамя таго, ІП будуць абавязаны прадастаўляць справаздачу толькі ў электронным выглядзе.
Таксама сенатары адобрылі законапраект аб меліярацыі земляў. Гэта сёння вельмі неабходна для вяскоўцаў. Галоўная задача - залучаць у абарот тыя землі, якія павінны прыносіць аддачу.
Сёння плошча меліяраваных зямель складае 37 % ад усіх сельгасугоддзяў. Гэта амаль 3 млн га. Большая частка знаходзіцца ў Брэсцкай, Віцебскай, Гомельскай і Мінскай абласцях.
Усяго ў парадак дня пасяджэння Савета Рэспублікі ўключана 18 пытанняў. Сярод іх барацьба з тэрарызмам і карупцыяй, дзейнасць рэлігійных арганізацый.
Ратыфікавана і пагадненне аб свабодным гандлі паслугамі ў СНД.
