"Беларусь памятае, пакуль памятае кожны з нас!". Пад такім слоганам выдавецкі дом "Беларусь сегодня" запусціў новы медыяпартал, прысвечаны 75-годдзю вызвалення нашай краіны ад нямецка-фашысцкіх захопнікаў. "Партызаны Беларусі", "Спаленыя вёскі", "Дзеці вайны", "Абеліскі вялікага подзвігу" - у васьмі рубрыках, над якімі працуе больш за 40 журналістаў, сабраныя гісторыі і сапраўдныя фотаматэрыялы ваенных падзей.
Акрамя таго, у медыяпартал убудаваны канструктар відэапаштовак. Каб стварыць ролік, напрыклад, пра сваякоў - удзельнікаў Вялікай Айчыннай, трэба загрузіць фатаграфію, дадаць тэкст. Мантаж сістэма зробіць сама. Такімі хвіліннымі відэа можна дзяліцца ў сацсетках, запампоўваць і адпраўляць у месенджары.
Рэспубліканскую акцыю "Беларусь памятае" падтрымлівае і Белтэлерадыёкампанія. Агенцтва тэленавін падрыхтавала серыю аўтарскіх відэаролікаў, прысвечаных героям Вялікай Айчыннай вайны, подзвігі якіх назаўжды будуць жывыя ў памяці беларускага народа. У эфір выйшла ўжо 7 серый, прэм'ера восьмай адбудзецца 21 красавіка ў "Галоўным эфіры". Усе міні-фільмы можна таксама паглядзець на сайце Белтэлерадыёкампаніі - tvr.by, у нашых сацсетках і на YouTube-канале.
Выдавецкі дом "Беларусь сегодня" запусціў новы медыяпартал
11 апреля 2019