Вынікі выбараў дэпутатаў Мінскага гарадскога савета дэпутатаў падвялі сёння ў Мінгарвыканкаме, адзначыўшы высокую актыўнасць выбаршчыкаў. Высокую яўку паказала і моладзь. Аб гэтым паведаміў старшыня Мінскай гарадской выбарчай камісіі Аляксандр Шчаковіч.
Свой выбар у Мінску зрабілі амаль 62 % выбаршчыкаў ад агульнай колькасці занесеных у спіс па горадзе. У сталіцы абралі 60 дэпутатаў у Мінгарсавет і 20 у Палату прадстаўнікоў.
У Мінскі гарадскі савет увайшлі прадстаўнікі розных сфер ад прамысловасці да аховы здароўя. Сярод народных выбраннікаў - старшыня Белтэлерадыёкампаніі Іван Эйсмант. Ён набраў найбольшую колькасць галасоў па Севастопальскай выбарчай акрузе № 52.
Першая сесія Мінскага гарадскога савета дэпутатаў адбудзецца 5 сакавіка. Тады будзе абраны старшыня і разгледжаны працэдурныя пытанні.