200 бескантактавых тэрмометраў, 30 тысяч аднаразовых масак і 30 тысяч гумовых пальчатак перададзены клінікам Мінскай вобласці ад Кітая для барацьбы з каранавірусам. Зараз гуманітарны груз ад Народнага ўрада правінцыі Гуандун знаходзіцца ў Мінскім абласным процісухотным дыспансеры, а далей будзе пераразмеркаваны па бальніцах сталічнага рэгіёна, якія ўсё яшчэ працуюць з кавіднымі пацыентамі. Агульная сума дапамогі - парадку 40 тысяч рублёў.
Частка Мінскага абласнога процісухотнага дыспансера з красавіка перапрафілявана пад кавідны шпіталь
Аднак амбулаторнае звяно ў ранейшым рэжыме аказвае дапамогу хворым на сухоты і пацыентам з захворваннямі органаў дыхання. Адзначым, бальніцы зараз паступова выходзяць з чырвонай зоны і вяртаюцца да звыклага рэжыму працы.
