ДАІ пачынае маштабную прафілактычную акцыю "Будзь у бяспецы!"

ДАІ сёння пачынае маштабную прафілактычную акцыю  "Будзь у бяспецы!". Яе мэта - знізіць колькасць ДТЗ з удзелам пешаходаў і веласіпедыстаў. Толькі сёлета ў выніку наездаў 38 чалавек загінулі і 143 атрымалі траўмы.

Ганна Банадык, старшы інспектар па асаблівых даручэннях галоўнага ўпраўлення ДАІ МУС Беларусі: "Нарады ДАІ будуць дзяжурыць ля нерэгулюемых пешаходных пераходаў. А супрацоўнікі ДПС адпрацуюць участкі дарог, вуліцы населеных пунктаў, найбольш схільных да рызыкі здзяйснення наездаў і пракантралююць выкананне правіл як вадзіцелямі, так і пешаходамі, веласіпедыстамі і вознікамі коннага транспарту".

Не ўпэўнены - не абганяй!

Таксама інспектары зараз вядуць утоены кантроль загарадных трас для паніжэння аварыйнасці. І звяртаюць увагу на абгоны -  апошнім часам пачасціліся выпадкі выезду машын на сустрэчную паласу з лабавымі сутыкненнямі. Да гэтага часта прыводзіць бестурботнасць вадзіцеляў. Якія вынікі прыносіць такі кантроль - глядзіце сёння ў выніковай праграме "Зона Х" на тэлеканале "Беларусь 1".