Электрасамакаты, скутары, сегвеі і монаколы зноў у горадзе

Сезон адкрыты - гэтаму спрыяюць і ўмовы надвор'я. З кожным днём па вуліцах Мінска калясіць ўсё больш экадэвайсаў. Сталічныя інструктары па яздзе на электратранспарце раяць прайсці паўторны кароткі курс навучання для тых, хто не карыстаўся сваім гаджэтам зімой, каб абкатаць электрапрыладу і пазбегнуць сутыкненняў і траўм. І ўсё ж самае галоўнае правіла бяспекі - захаванне хуткаснага рэжыму. Некаторыя электрагаджэты могуць разганяцца да пяцідзесяці кіламетраў за гадзіну. Аднак аптымальная хуткасць для руху па горадзе - не больш за дваццаць пяць.