Экалагічна чыстыя прамысловыя прадукты, новыя лекі для барацьбы з анкалогіяй і нават цукеркі, якія можна ёсць з абгорткай. У вядучай беларускай ВНУ сёння прэзентавалі выставу лепшых праектаў краіны за апошнія гады. Экспазыцыя "Мая радзіма - Беларусь. Універсітэт - у кантэксце дасягненняў" - гэта больш за сто экспанатаў, якія падзялілі пляцоўку рэктарата БДУ не па галінах і сферах, а па геаграфічным прынцыпе. Ідэйнымі натхніцелямі праекта разам з Белдзяржуніверсітэтам сталі Беларускі саюз жанчын, грамадскае аб'яднанне "Белая Русь", а таксама музей беларускай дзяржаўнасці і Нацыянальнае агенцтва па турызме.
Экспазыцыя стала пачаткам серыі праектаў, якія вядучы ўніверсітэт краіны разам з партнёрамі - грамадскімі аб'яднаннямі - плануе рэалізаваць у перадпачатку галоўнай палітычнай падзеі года - выбараў-2015.
