У Інстытуце меліярацыі НАН Беларусі распрацавалі спецыяльны калодзеж-рэгулятар для кантролю аквабалансу ў палях. Палімерная канструкцыя герметычная. Падчас засухі яна будзе ўтрымліваць ваду на сістэмах, дзе праходзіць меліярацыя, а ў перыяд паводак прапускаць вільгаць. Гэта дазволіць на 1-6 тыдняў раней пачынаць палявыя работы.

Адначасова з укараненнем інавацыйных тэхналогій працягваецца рэканструкцыя сістэм меліярацыі. Каналы і дрэнажныя сістэмы былі пабудаваны 40-50 гадоў таму. Зараз трэба цалкам абнавіць іх функцыі. Адзначым, што ў Мінскай вобласці меліярацыя закранула ўсе раёны. Асушаныя плошчы - гэта трэць ад усіх сельскагаспадарчых угоддзяў.