Дэлегаты маючага адбыцца VI Усебеларускага народнага сходу, дэпутаты мясцовых Саветаў, парламентарыі абмеркавалі ў Магілёўскай вобласці праект Праграмы сацыяльна-эканамічнага развіцця краіны да 2025 года. Галоўная мэта - моцныя рэгіёны. Як адзначалася на нарадзе, у прыярытэце - прамысловасць, сельская гаспадарка, сацыяльная сфера. А таксама будаўніцтва жылля, падтрымка сям'і, удасканаленне інфраструктуры.
Леанід Заяц, старшыня Магілёўскага аблвыканкама: "Людзі падтрымалі канцэпцыю Праграмы сацыяльна-эканамічнага развіцця, таму што бачаць, што гэта будучыня, што гэта перспектыва развіцця нашай краіны. Мы бачым свае рэзервы ў прамысловасці, сельскай гаспадарцы. Дасягнуць галоўнай мэты - гэта дабрабыт нашых людзей, павышэнне ўзроўню заработнай платы".
Сярод прыярытэтаў праекта Праграмы сацыяльна-эканамічнага развіцця - таксама удасканаленне медыцыны. Найноўшыя тэхналогіі плануецца зрабіць яшчэ больш даступнымі. Сёлета на развіццё галіны ў Магілёўскай вобласці плануецца інвеставаць звыш 600 млн рублёў.
Дэпутаты мясцовых Саветаў і парламентарыі абмеркавалі ў Магілёўскай вобласці праект Праграмы сацыяльна-эканамічнага развіцця краіны да 2025 года
28 января 2021