Менавіта на абноўленым "Дынама" праз год пройдзе адкрыццё Еўрапейскіх гульняў. Зваротны адлік будзе весці Першы канал Беларускага радыё. Сёння ўвесь эфір галоўнага радыё краіны прысвечаны спорту і падрыхтоўцы да спаборніцтваў. Якімі будуць шматлікія спартыўныя аб'екты, дзе разыграюць каля 200 камплектаў узнагарод? Усё - у эфіры Першага.
Антон Васюкевіч, галоўны дырэктар галоўнай дырэкцыі Першага нацыянальнага канала Беларускага радыё: "Плануем да гэтай тэмы вяртацца ўвесь час, таму што, па-першае, па меры таго як будуць набліжацца ІІ Еўрапейскія гульні, у нас будзе нашмат больш інфармацыйных падстаў. І мы зараз вельмі цесна ўзаемадзейнічаем з дырэкцыяй Еўрапейскіх гульняў, і, безумоўна, інфармацыйных падстаў для ўключэнняў, для матэрыялаў, перадач будзе больш і больш, і, вядома ж, гэта будзе знаходзіць адлюстраванне ў нашых эфірных днях".
Да ІІ Еўрапейскіх гульняў рыхтуецца не толькі ўся краіна і балельшчыкі. Белтэлерадыёкампанія здымае дзясяткі тэматычных спецпраектаў. А да спаборніцтваў галоўны медыяхолдынг закупіць 4 сучасныя перасоўныя тэлевізійныя станцыі.
