Вялікае падарожжа маленькага веласіпедыста

Своеасаблівы рэкорд паставіў пяцігадовы Арцём са Слуцка. На сваім чатырохколавым веласіпедзе хлопчык праехаў па трасе ў бок сталіцы некалькі кіламетраў. На аўтадарозе Мінск  - Мікашэвічы яго выявілі вадзіцелі, якія і патэлефанавалі ў міліцыю. 

Юны веласіпедыст не змог растлумачыць экіпажу ДАІ, дзе ён жыве і як завуць бацькоў. Пазней высветлілася, што хлопчык гуляў з імі ў двары, а потым паехаў. Мама і тата адправіліся шукаць Арцёма ў найбліжэйшыя двары і вуліцы. І толькі праз 4 гадзіны звярнуліся ў міліцыю. Малыша вярнулі, з бацькамі правялі прафілактычную размову. Высветлілася, што на сваім веласіпедзе хлопчык без бацькоў праехаў каля 3 км.