Вялікая палітыка гэтым разам умяшалася нават у турыстычны сезон. За экстраннай пасадкай самалёта Ryanair, якая была ажыццёўлена па ўсіх міжнародных правілах, рушыў услед цэлы шквал санкцый. Прычым галоўным адрасатам выбралі чамусьці нашага нацыянальнага авіяперавозчыка. У пятніцу ЕС афіцыйна забараніў беларускім авіякампаніям палёты ў сваёй паветранай прасторы і пасадку беларускіх самалётаў у еўрапейскіх аэрапортах.
Але, тым не менш, васількі застануцца ў небе! Фраза стала крылатай ва ўсіх сэнсах. На тыдні Прэзідэнт заявіў, што кампанію "Белавія" дзяржава ў бядзе не кіне, і анансаваў усебаковую падтрымку. Наперадзе новыя рэйсы і новыя маршруты. З 10 чэрвеня ў Шарамецьева нашы самалёты будуць лётаць 5 разоў на тыдзень. Павялічыцца колькасць рэйсаў у Стамбул, Батумі і Тбілісі.
Ну а шэраг кірункаў для нас пакуль недаступны. Так ужо атрымліваецца, што ад санкцый пакутуюць найперш простыя людзі. А з другога боку - турыстычны бізнес тых краін, куды беларусы гэтым летам не даляцяць. І гэта толькі адзін з прыкладаў, калі ўводзіць абмежаванні не выгадна нікому. Антон Малюта працягне тэму.
