Спецыялісты Мінскай лесапаркавай гаспадаркі сталічным пляжам надаюць курортны выгляд. Зоны адпачынку каля вадаёмаў добраўпарадкоўваюць, кожны дзень прыбіраюць смецце на пляжах. Ачышчаюць таксама і пясок на набярэжных. Для гэтага выкарыстоўваюць спецыяльную прыбіральную машыну. Своеасаблівы "мабільны пыласос" рыхліць і прасейвае пясок, дастае смецце з глыбіні 15-20 сантыметраў.
Сёлета спецыялісты лесапаркавай гаспадаркі правялі падсыпку як на гарадскіх, так і на прыгарадных пляжах. Усяго прывезлі амаль 13 тыс. кубаметраў. У наступным годзе работа па добраўпарадкаванні пляжаў будзе працягнута.
