Падзячны ліст і каштоўны падарунак уручаныя сёння ад імя праўлення Беларусбанка тым, хто прымаў удзел у вызваленні заложнікаў у Магілёве. Асаблівыя словы падзякі прагучалі на адрас кіраўніцтва Магілёўскага УУС і Аляксандра Васільева - намесніка начальніка ўпраўлення, які змог угаварыць тэрарыста адпусціць заложнікаў, пакінуўшы сябе наўзамен.
Нагадаем, захоп заложнікаў адбыўся 20 лістапада ў адным з аддзяленняў банка Магілёва. Тэрарыст, як устанавіла следства, - гэта 28-гадовы грамадзянін Расіі, запатрабаваў грошы. Затым, пакінуўшы пры сабе заложніка, спрабаваў уцячы на прадстаўленай па яго патрабаванні машыне. Падчас затрымання рабаўнік атрымаў раненне. Зараз ён знаходзіцца ў бальніцы пад вартай. Следчым камітэтам працягваецца расследаванне крымінальнай справы.
