Ніхто не забыты. Бялынічы далучыліся да патрыятычнай акцыі "У славу агульнай Перамогі". Зямлю са 124 воінскіх пахаванняў сёння даставілі ў райцэнтр. На алеі герояў, дзе ўшанаваныя імёны загінуўшых у Вялікай Айчыннай вайне, хвілінай маўчання ўшанавалі памяць воінаў, якія аддалі жыццё за вызваленне краіны. Падчас вайны на тэрыторыі раёна загінулі больш як 4 тысячы савецкіх салдат і афіцэраў, больш за 10 тысяч мірных жыхароў.
Акцыя пройдзе па ўсёй краіне, а завершыць сваё шэсце ў дзень святкавання 75-годдзя Перамогі. Капсулы з усіх рэгіёнаў змесцяць у крыпту храма-помніка ў гонар Усіх Святых у сталіцы.