Сёння ў сценах медыяхолдынга прайшла сустрэча кіраўнікоў з дыпламатамі адразу дзвюх краін - Румыніі і Кубы.
З Надзвычайным і Паўнамоцным Паслом Румыніі ў Беларусі Віярэлам Машану абмеркавалі ўзаемадзеянне з тэлекампаніямі дзвюх краін, абмен кантэнтам, стварэнне сумесных перадач. Але, мабыць, галоўным праектам стане канцэрт з удзелам аднаго з самых папулярных джазавых піяністаў Румыніі Фларына Радукану, прысвечаны Сусветнаму дню джаза. Тэлегледачы яго ўбачаць у эфіры тэлеканала "Беларусь 3" гэтай вясной.
А вось адносіны ў медыясферы з Кубай у Беларусі ўжо куды больш цесныя. Гэта падкрэсліў і пасол гэтай краіны Херарда Суарэс Альварэс. У пачатку года паміж Белтэлерадыёкампаніяй і Кубінскім інстытутам радыё і тэлебачання быў падпісаны мемарандум аб узаемаразуменні. У сумесных планах абмен спартыўнымі і музычнымі праектамі.
