Беларуская бортправадніца перамагла ў міжнародным конкурсе "Топ сцюардэс". На конкурс было пададзена больш за тысячу заявак. Дзяўчат правяралі на стрэсаўстойлівасць, уменне аказваць першую дапамогу і веданне аварыйных працэдур. Да фіналу дайшлі толькі 30. І тут стаяла задача паразіць журы творчасцю. Беларуска Ганна Цітавец выступала першай і літаральна парвала залу, выканаўшы кампазіцыю Depeche Mode на ўдарнай устаноўцы.
У конкурсе ўдзельнічалі бортправадніцы грамадзянскай авіяцыі, сцюардэсы бізнес-джэтаў, дзяўчаты, якія раней працавалі ў гэтай прафесіі, і тыя, хто яшчэ толькі марыць аб небе. Фіналістак узнагароджвалі ў розных намінацыях. Але пераможца ўсяго адна. І галоўны тытул конкурсу "Топ сцюардэс 2023" атрымала беларуска!
Упершыню конкурс "Топ сцюардэс" прайшоў у 2014 годзе, затым атрымаў статус міжнароднага.