Сёлета ён стаў асабліва ўрачыстым, бо мы адсвяткавалі 25 гадоў сваёй незалежнай суверэннай гісторыі. Урачыстасці прайшлі па ўсёй краіне. Цэнтрам па традыцыі стала сталіца.
Святочныя мерапрыемствы пачаліся з відовішчнага парада войскаў Мінскага гарнізона ля стэлы на праспекце Пераможцаў. У ваенным шоу ўдзельнічалі каля 5 000 салдатаў, больш за 130 адзінак баявой тэхнікі, 44 самалёты і верталёты, бамбардзіроўшчыкі Су-34, знішчальнікі Су-30 і верталёты К-52 "Алігатар". У Беларусі працягнецца ўмацаванне арміі і аснашчэнне яе самымі сучаснымі ўзорамі ўзбраення і тэхнікі, заявіў Прэзідэнт, калі выступаў на парадзе.
У Мінску на відовішчны парад сабраліся жыхары з усёй краіны, а таксама з-за мяжы. Гледачы змаглі ўпэўніцца ў бездакорнай гатовасці беларускіх войскаў. У парадзе ўдзельнічаў у тым ліку і гонар айчыннага абаронна-прамысловага комплексу - рэактыўная сістэма залпавага агню "Паланез", а таксама комплексы С-300, якія здольныя весці барацьбу з любымі паветранымі цэлямі. Працягнулася шоу паветраным парадам. У небе над Мінскам гледачы ўбачылі фігуры вышэйшага пілатажу.
Эфектным фіналам ваеннай часткі парада стала выступленне роты ганаровай варты. Беларуская лічыцца адной з лепшых у свеце. Гэты раз гледачам паказалі новыя найскладанейшыя элементы. Каб дамагчыся такой выразнасці дзеянняў, неабходныя месяцы напружаных трэніровак.
Фінальным відовішчным акордам афіцыйных урачыстасцяў стаў масавы нумар да Дня Незалежнасці, у якім удзельнічалі дзве з паловай тысячы чалавек. Прэм'ера і харэаграфічная, і музычная. Упершыню прагучала песня, напісаная спецыяльна да гэтага свята.
