Мірны атам на службу чалавецтву. І размова не толькі аб энергетыцы - гэта медыцына і фармацэўтыка, прамысловасць, сельская гаспадарка і экалогія. Вялізны патэнцыял для развіцця, і максімальна яго рэалізаваць можна разам з вопытнымі калегамі, напрыклад, з Курчатаўскага інстытута.
Кіраўніцтва расійскага даследчага цэнтра сустрэлася на тыдні з нашым Прэзідэнтам. І вось толькі некаторыя дамоўленасці. Разам запускаем атамны праект 2.0, гэта значыць, ствараем энергаблок з рэактарам на хуткіх нейтронах, каб АЭС магла працаваць без адходаў.
Гэта яшчэ адзін крок да зялёнай атамнай энергетыкі.
Для падрыхтоўкі кадраў у галіне ў Беларусі можа адкрыцца філіял Маскоўскага інжынерна-фізічнага інстытута (МІФІ). Беларусь і Расія гатовыя стварыць адзіную даследчую інфраструктуру.
Кіраўніцтва інстытута высока ацаніла кампетэнцыі нашых спецыялістаў. Беларусь - адзіная з постсавецкіх рэспублік захавала навуку на такім годным узроўні, адзначылі расійскія госці. Каля года таму Курчатаўскі інстытут прапанаваў нашый Акадэміі навук перайсці на новы ўзровень сумеснай працы.
На гэтым тыдні дамовіліся аб стратэгіі. План сумеснай працы зацверджаны на найбліжэйшыя 10 гадоў - разам з ім адкрываюцца для абедзвюх краін шырэйшыя гарызонты для буйных сумесных праектаў.
