Гэтымі хвілінамі ў сталіцы праходзіць патрыятычны аўтапрабег "За адзіную Беларусь!". Правесці свой выхадны ярка і насычана захацелі многія.
На месца збору прыехалі як мінчане, так і госці сталіцы. Калона з некалькіх дзясяткаў аўтамабіляў з дзяржаўнымі флагамі стартавала ў 11 гадзін раніцы з паркоўкі каля аквапарка "Лебядзіны". Сёння ў праграме - экскурсіі на буйных прадпрыемствах Мінска, а таксама забаўныя мерапрыемствы. Аўтамабілі ўрачыста праехалі па праспекце Пераможцаў і адправіліся да наступнага пункту маршруту - Мінскага завода колавых цягачоў.
Прама зараз на МЗКЦ пачынаецца экскурсія. Для ўдзельнікаў аўтапрабегу падрыхтавалі выставу тэхнікі і візіт у цэх вытворчасці. А завершыцца праграма аўтапрабегу наведваннем Мінскага аўтамабільнага завода.
Аўтапрабег "За адзіную Беларусь!"
27 февраля 2021