Армейскія гульні: беларускія авіятары пачалі трэніроўкі

Баявыя пастраенні, заход на пазіцыі, выратаванне параненага і новыя элементы. Лётчыкі 50-й змяшанай авіябазы пачалі трэніроўкі ў небе над Брэсцкай вобласцю. Гэтыя манеўры стануць падрыхтоўкай да конкурсу "Авіядартс", які пройдзе ў рамках Армейскіх міжнародных гульняў. У трэніроўках удзельнічаюць экіпажы на верталётах Мі-8МТВ-5 і Мі-24. 
VI Армейскія міжнародныя гульні пройдуць з 23 жніўня па 5 верасня. Конкурсы АрМГ-2020 будуць арганізаваныя на тэрыторыі 11 краін, у тым ліку і Беларусі.