А. Лукашэнка прыняў удзел у вучэннях "Захад-2021" на палігоне Абуз-Лясноўскі

У вучэннях "Захад-2021" на палігоне Абуз-Лясноўскі прыняў удзел і Галоўнакамандуючы. Прэзідэнту далажылі  аб ролі і месцы рэгіянальнай групоўкі сіл у гарантаванні ваеннай бяспекі Саюзнай дзяржавы на заходнім кірунку. Аляксандр Лукашэнка адзначыў, што першы этап, які завяршыўся, - адно з найважнейшых мерапрыемстваў падрыхтоўкі Узброеных сіл на фоне бесперапыннай гібрыднай агрэсіі з боку Захаду ў дачыненні да  Беларусі і Расіі. 

Мы бачым новыя рызыкі і выклікі, абвастрэнне сітуацыі на мяжы. Створанае вучэбнае становішча дазваляе ўдасканальваць навыкі ў вядзенні сумесных баявых дзеянняў пры адлюстраванні агрэсіі. Вайскоўцы сёння прадэманстравалі Галоўнакамандуючаму  шмат таго, на што здольныя. Акцэнт  менавіта на абарончы бой. Аляксандр Лукашэнка не раз звяртаў увагу на тое, што вучэнні носяць  толькі абарончы характар - гэта дэманстрацыя трывалых адносін Беларусі і Расіі. 

Расказвае Аляксей Волкаў: Эфектна, маштабна і крыху страшна - такое адчуванне пакідае вучэбная ваенная аперацыя Беларусі і Расіі ў рамках "Захад-2021". Для журналістаў гэта выбухі і туман, для вайскоўцаў - сапраўднае мастацтва: кожны крок  прадуманы, кожны выстрал дакладна ў цэль.

Месца дзеяння сапраўднага ваеннага спектакля - 230-ы агульнавайсковы палігон Абуз-Лясноўскі. Сцэнарый - незаконнае ўзброенае фарміраванне захапіла населены пункт. Мэта Саюзнай дзяржавы - адбіць горад хуткай атакай з мінімальнымі стратамі.

Су-25, Тор-М2, правераныя часам Т-72 - беларуская армія за апошнія гады абнавіла парк ваеннай тэхнікі прыкладна на 50 %. Дарэчы, вайскоўцы дзвюх краін ужо шчыльна працуюць у інтэграцыйным падраздзяленні. 

Прасачыць за эпізодам "Захаду-2021" на палігон прыехаў і Аляксандр Лукашэнка. Вярхоўны галоўнакамандуючы заслухаў даклады генералаў, зразумела, без старонніх - усё ў строгай сакрэтнасці. Але тое, што было на полі, напэўна, убачылі і пачулі нават у краінах НАТА.

Прэзідэнт, выступаючы перад удзельнікамі вучэнняў, адзначыць: так, зладжанасць войскаў  выдатная. Гэта рэальна шчыт Саюзнай дзяржавы, але менавіта шчыт, не меч. Манеўрамі мы даём зразумець - сюды лепш не лезці.

Размовы пра вайну заўсёды здаюцца чымсьці далёкімі і незразумелымі. Да таго ж Беларусь за гады незалежнасці ні разу не ваявала і не лезла ў чужыя баявыя дзеянні. Але трэнд  трывожны. Тая ж вучэбная аперацыя на палігоне стваралася з улікам падзей у Сірыі, Нагорным Карабаху і Данбасе. 

Фінал аперацыі: саюзнае войска (гэтым разам прымаў удзел і Казахстан) адбівае горад, а затым заваблівае праціўніка ў агнявы мяшок, па сутнасці, пастку, а там  пры дапамозе артылерыі, авіяцыі і "змяя гарыныча" - агонь на падаўленне. 

Усяго ў актыўнай фазе "Захад-2021" задзейнічана амаль 13.000 вайскоўцаў, прыкладна траціна з Расіі. Манеўры спланаваны на два этапы - абарона і контрнаступленне. Дарэчы, Беларуссю геаграфія вучэнняў не абмяжоўваецца, расійскія таксама задзейнічаны. 

Нагадаем, што акрамя прафесійных вайскоўцаў, у "Захадзе-21" прысутнічаюць і тэрытарыяльныя войскі. Яшчэ ўчора яны былі на грамадзянцы, а сёння  адпрацоўваюць складаныя манеўры. За самааддачу ад Прэзідэнта  па-камандзірску гучнае дзякуй. Пагаварыў Прэзідэнт і з журналістамі, дарэчы, пытанні задавалі не толькі беларусы. 

На гэтыя манеўры не прыехалі эксперты НАТА, затое прыехалі замежныя журналісты. Такія вучэнні - відовішча вельмі захапляльнае і карыснае. Бо гэта дэманстрацыя і своеасаблівая вітрына дасягненняў армій дзвюх дзяржаў і сігнал непрыяцелям: не лезьце, прыб'е.