А. Лукашэнка аб фестывалі ў Александрыі: Гэта фактычна рэпетыцыя "Славянскага базару ў Віцебску”

Шклоўскі раён гэтымі днямі нагадвае аб адзінстве славян, нашай агульнай гісторыі і традыцыях. 
Тут адчуваецца сакральная сувязь з продкамі, роднай зямлёй і адно з адным. Свята вяртае да вытокаў нацыянальных традыцый. Шмат у чым дзякуючы ім мы былі, ёсць і застанемся беларусамі. Аб гэтым нагадаў і Прэзідэнт. Аляксандр Лукашэнка заўсёды знаходзіць час наведаць сваю малую радзіму. І напярэдадні Кіраўнік дзяржавы далучыўся да свята.
Прэзідэнт падкрэсліў, што 2020 год завяршае трылогію малой радзімы. За гэты час беларусамі зроблена шмат патрэбнага на роднай зямлі. Нешта атрымалася на выдатна. Адзіны спосаб стварыць найлепшую будучыню для сваёй краіны і свайго народа - працаваць на вынік, аб'ядноўвацца перад любымі выпрабаваннямі, пераадольваць усе цяжкасці. Кіраўнік дзяржавы адзначыў, што фестываль у Александрыі - гэта фактычна рэпетыцыя асноўнага славянскага свята, якое адбудзецца літаральна праз некалькі дзён у паўночнай сталіцы Беларусі, - "Славянскага базару ў Віцебску”.