415 дзяцей з Сірыі змогуць адпачыць у пачатку лета ў Нацыянальным цэнтры "Зубраня"

Беларусь не застаецца ўбаку і ад падзей у іншай блізкаўсходняй краіне. 415 дзяцей з Сірыі змогуць адпачыць у пачатку лета ў Нацыянальным дзіцячым адукацыйна-аздараўленчым цэнтры "Зубраня". Адпаведны загад падпісаў Кіраўнік дзяржавы. Сродкі на адпачынак і аздараўленне вылучыць рэзервовы фонд Прэзідэнта Беларусі. Таксама з яго будуць вылучаныя сродкі на арганізацыю навучальна-трэніровачных збораў для 43 дзяцей-спартсменаў з Сірыі. Зборы пройдуць у красавіку на базе Рэспубліканскага дзяржаўнага вучылішча алімпійскага рэзерву. Усе мерапрыемствы будуць спрыяць далейшаму развіццю супрацоўніцтва паміж краінамі ў гуманітарнай сферы, а таксама ўмацаванню станоўчага іміджу Беларусі ў свеце.