Сёння іх ужо больш за 40. Так, сярод навасельцаў прадпрыемства па распрацоўцы і вытворчасці ўнікальных імплантаў і медыцынскіх інструментаў. Крэда ўсіх кампаній - інавацыі, а таксама новыя экспартныя рынкі. А ў планах і супрацоўніцтва з беларускімі і расійскімі навукова-тэхнічнымі і індустрыяльнымі цэнтрамі і паркамі.
Пра тое, як зарабіць на інтэлекце і ноу-хау, рэпартаж Аляксея Кандраценкі.
Новыя рэзідэнты і магчымасці Мінскага гарадскога тэхнапарка
Нанатэхналогіі на службе аграрыяў і садаводаў. Адна з актуальных распрацовак кампаніі-рэзідэнта Мінскага гарадскога тэхнапарка - мікраўгнаенні. Асаблівасць ноу-хау - два ў адным: гэта і падкормка раслін, і іх абарона. Уся справа ў інавацыйнай формуле і асаблівых, карысных мікраэлементах.
Распрацоўкі кампаній-рэзідэнтаў навукаёмістыя. Сярод іх і навічок кластара - прадпрыемства па вытворчасці імплантаў і медыцынскіх інструментаў. Каб вярнуць да жыцця чалавека пасля траўмы, часам патрэбныя тытанічныя намаганні. Таму і метал у гэтай справе літаральна адпаведны - тытан. Адзін з відаў яго апрацоўкі - на станку, які сабралі суседзі (іншы рэзідэнт тэхнапарка).
А яшчэ прамыслоўцы медбіятэхпрофілю супрацоўнічаюць з вядучымі РНПЦ краіны.
Мінскі гарадскі тэхнапарк вырас на месцы былых карпусоў старога мясакамбіната. Цэхі вытрымалі нагрузку ад пастаянных рэканструкцый і мадэрнізацыі. Зрэшты, многае пабудавалі з нуля. Толькі летась плюс 10 тысяч новых квадратных метраў.
У кожнага рэзідэнта новае, прасторнае памяшканне. У такім вытворчым боксе можна размясціць нават самае складанае абсталяванне. Плюс неабходная тэмпература і асвятленне: усё зроблена па прынцыпе максімальнага камфорту.
Плюс больш чым у 40 кампаній з індустрыяльнай прапіскай на вуліцы Солтыса льготы на падаткі і на арэнду плошчаў. Тут развіваюць і адукацыйныя праграмы, а ў планах супрацоўніцтва і з іншымі буйнымі навукова-тэхнічнымі пляцоўкамі Беларусі і Расіі. Такі важкі дзелавы партфель для маладога юбіляра мегаполіса. Гэтай восенню Мінскаму гарадскому тэхнапарку - 10.
