Выстава на тэму генацыду беларускага народа адкрылася ў Гомелі. У аснове экспазіцыі - матэрыялы, знойдзеныя падчас раскопак у Чэнкаўскім лесе. З 1941 па 1943 гады гэтую тэрыторыю фашысты выкарысталі для расстрэлу мірных жыхароў. Увазе наведвальнікаў прадстаўлены асабістыя рэчы загінуўшых, а таксама 3D-фота з месца пошукавых работ для поўнага пагружэння ў атмасферу ваеннага ліхалецця.
Усяго ў Чэнкаўскім лесе знойдзены астанкі прыкладна тысячы чалавек. Спецыялісты ўпэўненыя, што ахвяр было значна больш. Пошукі працягнуцца з надыходам вясны 2023 года.
