За два дні правядуць інтэлектуальны оўпен-эйр, фестываль кавер-бэндаў з розных гарадоў краіны і моладзевы забег на два кіламетры. Дарэчы, на яго зарэгістравацца можа кожны ў афіцыйных сацсетках БРСМ. Мяняецца і колькасць лакацый. Замест адной (на плошчы Перамогі) адразу тры. Дададуцца пляцоўкі каля Летняга амфітэатра і канцэртнай залы "Віцебск". У афішы і традыцыйны фестываль моладзевых субкультур, дзе правядуць спаборніцтвы па скейтбордынгу, варкаўце і баскетболе 3 на 3. Плануюць паставіць і сусветны рэкорд па гіравым спорце.
