Іх знайшлі падчас правядзення земляных работ на вуліцы абласнога цэнтра. Раскопкі вёў спецыялізаваны пошукавы батальён Міністэрства абароны. Экспертыза пацвердзіла, што пахаванне адносіцца да перыяду Вялікай Айчыннай. У 43-м годзе пад Віцебскам ішлі кровапралітныя баі.
Анатоль Бурдо, старшыня Віцебскага моладзевага ГА «Ваенна-патрыятычны клуб «Пошук»:
"Гэта было зімой 43-44-га. Агульныя страты 33 арміі - 110 тысяч чалавек. Была нават створана спецыяльная камісія аб стратах".
Андрэй Бялецкі, галоўны спецыяліст аддзела ідэалагічнай работы, культуры і па справах моладзі Віцебскага гарвыканкама:
"Астанкі былі знойдзены каля стадыёна Віцебскага тэхналагічнага ўніверсітэта недалёка ад дома № 70 па Маскоўскім праспекце. Таксама з астанкамі знайшлі пабочныя прадметы: 2 вінтоўкі і гранату. Пасля гэтага астанкі перадалі на экспертызу ў Следчы камітэт, яе вынікі дазволілі сцвярджаць, што гэта астанкі воінаў Вялікай Айчыннай вайны".
У складзе якіх воінскіх фарміраванняў гэтыя салдаты ваявалі - можна толькі меркаваць. Усталяваць імёны загінуўшых абаронцаў Айчыны не атрымалася. Ніякіх асабістых рэчаў разам з астанкамі не было. Хвілінай маўчанння прысутныя ўшанавалі памяць усіх загінуўшых падчас вайны. На жаль, шмат у гэтым спісе невядомых, чыя імёны патрэбна яшчэ ўстанавіць.